Historia
që vishet.

Në vitet 1998–1999 mijëra vullnetarë nga Shqipëria dhe diaspora kaluan kufirin për t'u bashkuar me UÇK-në. Shumë prej tyre ranë në Koshare dhe Pashtrik, në betejat që hapën rrugën drejt çlirimit.

Tahir Sinani (1962–2001) ishte komandant i UÇK-së në frontin e Koshares në pranverën e 1999-s. Vazhdoi luftën edhe në Maqedoni dhe ra më 2001 në malet e Sharrit, mbi Tetovë.

Dardanët ishin fisi ilir i Kosovës së sotme dhe i trojeve përreth; Roma i nënshtroi vetëm pas luftërash të gjata. Nga emri i tyre e mori emrin provinca romake Dardania, me qendër Ulpianën, afër Prishtinës.

Shqiponja dykrenare e zezë mbi të kuqe është vula e Kastriotëve: Skënderbeu e ngriti si flamur në Lezhë më 1444. Të njëjtin flamur e ngriti Ismail Qemali në Vlorë, më 28 nëntor 1912.

Përkrenarja e Skënderbeut, me kokën e dhisë prej bronzi të praruar, ruhet sot në Kunsthistorisches Museum të Vjenës. Bashkë me dy shpatat e tij, ajo është relikja më e njohur e Kastriotëve.

Vula e Skënderbeut, që ruhet në Muzeun Kombëtar të Danimarkës në Kopenhagë, mban shqiponjën dykrenare dhe titullin e tij. Prej kësaj vule vjen shqiponja e flamurit tonë.

Çerçiz Topulli (1880–1915) nga Gjirokastra udhëhoqi çetën që në mars 1908 luftoi në Mashkullorë kundër forcave osmane. Ra më 1915 afër Shkodrës, i pushkatuar nga forcat malazeze.

Ilirët përmenden nga Herodoti dhe Tukididi që në shek. V p.e.s., shumë kohë para ardhjes së Romës. Autoktoninë e tyre në Ballkanin Perëndimor e mbështesin arkeologjia dhe vazhdimësia e emrave të vendeve.